AN MASUROB-ON NGA PARAGDAGAT

Reynaldo Picardal

Masurob-on an akon pakabuhi

Tikang pagad han ako bata

Permi gud la hin pangisda

Hasta pagad ngada yana

Kun ako nahigigimata

An tuga-ok han kamanukan

Dayon ko na gintetema

An akon bugsay ug nylon.

Testigos ko an sinirangan

Ngan halu-ag nga kadagatan

Kun hain ako kakadto

Hin sadang ko panagatan.

Gin atubang an sulog

Ngan nagpapares nga balud,

Aber paean mahidakpan

Dagko nag budlis ngan langog.

Limot ko na an akon pagkaon.

An akon dara nga balon,

Kun ako sinusubdan,

Bug-os nag lawas hinuhulasan.

Waray iba pga paglaum,

Han ikon kabataan,

Pag panapton ug han balon

Kun masulod ha eskwelahan.

Diri kunta ika subu.

Inin aton kabutangan

Kay asya la an paglaum

An karikuhan nag hatag han kadagatan.